четверг, 26 декабря 2013 г.

Դիմակահանդես: 11-րդ դասարան




Դեկտեմբերի 26-ին ևս մեկ Ամանորյա միջոցառում էին նախապատրաստել արդեն 11-րդ Բ դասարանի աշակերտները: Իրենց ջերմագին խոսքերով, երգ ու պարով, հումորներով ապահեովեցին ներկաների բարձր տրամադրությունը:

Շնորհավոր Նոր Տարի: 2014


Ամանորյա տոնական միջոցառումների բացումը կատարեցին նախակրթարանի "Արևներ" խմբի սաները: Դեկտեմբերի 24-ին դպրոցում լսվեցին ամանորյա զանգերի առաջին ղողանջները:

суббота, 14 декабря 2013 г.

Գիրք Գրոց


Ներկայիս տեղեկատվական դարաշրջանում կարծես թե մոռացության են մատնվում մեր ազգային, հոգևոր ավանդույթներն ու արժեքները: Փոխվել է դպրոցականների, երիտասարդների աշխարհայցքը: Հոգևոր և մշակութային դաստիարակությունը անհրաժեշտ է փոխանցել սերունդներին մանուկ հասակից, նախակրթարանից, առաջին դասարանից:

Դեկտեմբերի 13-ին Լիճքի միջնակարգ դպրոցում տեղի ուենցավ <<Գիրք Գրոց>> խորագրով միջոցառումը, որի նպատակն էր աշակերտների մեջ սերմանել հոգևոր արժեքների դերն ու նշանակությունը: Միջոցառմանը մասնակցում էին 4-րդ և 5-րդ դասարանների աշակերտները:

Աշակերտները ներկայացրեցին հեթանոսական դարաշրջանի, Մաշտոցյան գրերի, Պատմահայր Խորենացու ժամանակաշրջանի պատմության կարևոր դրվագները, 5-րդ դարի շարականները:

փոքրիկ Նարեն, որը նախադպրոցական խմբից էր, իր բանաստեղծությամբ գերեց ամբողջ դահլիճին, իսկ 4-րդ դասարանից Սուսաննա Գրիգորյանը <<Կիլիկիա>> երգի կատարմամբ գրավեց բոլորին՝ նրանց աչքերից քամելով հուզմունքի և ուրախության արցունքներ:
Միջոցառումը կազմակերպել էր գրադարանավարուհի Մանուշ Հոխիկյանը:

суббота, 7 декабря 2013 г.

Ներդրումներ Լիճքի միջնակարգ դպրոցում

2013 թվականի հունվարի 1-ից մինչև դեկտեմբերի 7-ը ներառյալ Լիճքի միջնակարգ դպրոցում արտաբյուջետային միջոցներով (հովանավորներ, հասարակական կազմակերպություններ) ձեռք է բերվել 3005000 (երեք միլիոն հինգ հազար) ՀՀ դրամ արժողությամբ գույք:
Լիճքի միջնակարգ դպրոցի տնօրինությունը, աշխատանքայի կոլեկտիվը, ծնողական և կառավարման խորհուրդները շնորհակալություն են հայտնում հովանավորներից` դպրոցին մշտական նյութական աջակցություն ցուցաբերելու համար:


пятница, 8 ноября 2013 г.

«Ա» տառի ուսուցման բաց դաս


«Գիտելիքը ուժ է»: Այդ ուժով զորանալու առաջին քայլերն են անում Լիճքի միջնակարգ դպրոցի ամենակրտսեր աշակերտները:

Առաջին Գ դասարանի աշակերտների համար նոյեմբերի 7-ը տարբերվում էր մյուս օրերից, որովհետև սովորում Էին այբուբենի առաջին տառը:

Աշակերտները պատրաստել էին դաս-միջոցառում:

Նրանք արտասանեցին, երգեցին, և համառոտ ներկայացրին, թե ինչ են սովորել մինչ այդ:

Աշակերտները թվարկեցին Ա հնչյունով սկվող բառեր

ծանոթացան Ա հնչյունի պատկերին(տառին):

Դաս միջոցառմնը հրավիրված էին նաև դպրոցի տնօրինությունը, ուսուցիչներ, ծնողներ, որոնք իրենց շնորհավորական խոսքը ուղղեցին աշակերտներին:

Դասվար Լիլիթ Սամսոնյանի շնորհիվ, գիտելիքների խորհրդավոր աշխարհում Ա տառի մուտքը երեխաների և ներկաների համար իրոք վերածվեց հրաշալի տոնի:





суббота, 19 октября 2013 г.

Ողջո՜ւյն ուսում, ողջո՜ւյն դպրոց...



Հայի ազգային կարևոր առանձնահատկություններից մեկը գիտելիքի և դպրության հանդեպ դրսևորվող սերն ու հարգանքն է: Պատահական չէ, որ սեպտեմբերի 1-ը հայերիս համար մեծ խորհուրդ ու նշանակություն ունի: Այդ օրը շատերիս կյանքում բացվում է դպրության արշալույսը, ազդարարվում է իմացությամբ բարձունքներ նվաճելու մի նոր սկիզբ:

Լիճքի միջնակարգ դպրոցում այդ սկիզբը ազդարարվեց առանձնակի շուքով:

Առաջին դասարանի աշակերտները դպրոց էին հաճախում դեռևս օգոստոսից և պատրաստվում էին Առաջին զանգին:

Միջոցառման նպատակն էր առաջին դասարանցիների մեջ ճիշտ պատկերացումներ ձևավորել «աշակերտ» սոցիալական դերի մասին:

Սեպտեմբերի 1-ին աշակերտներն արդեն ծանոթ էին իրենց ուսուցիչների և դասընկերների հետ: Այս տարի Գիտելիքի օրը դարձավ յուրօրինակ մի տոն և անմոռաց հուշի պես դաջվեց յուրաքանչյուր առաջին դասարանցու հիշողությունում:


Լիլիթ Սամսոնյան






среда, 2 октября 2013 г.

ՀԱՅՏԱՐԱՐՈՒԹՅՈՒՆ

Հայտարարվում է մրցույթ Գեղարքունիքի մարզի Լիճքի միջնակարգ դպրոցի
1-4-րդ դասարանների  և գերմաներենի ուսուցչի թափուր աշխատատեղի համար:
Մրցույթի մասնակիցների գիտելիքների և մասնագիտական կարողությունների ստուգումն անցկացվելու է երկու փուլով` գրավոր /հանրակրթական առարկայական ուսումնական ծրագրերին ու կրթությանը վերաբերվող ՀՀ օրենքներին համապատասխան/ և հարցազրույց /մանկավարժական մասնագիտական գործնական հմտություններ/:
Մրցույթի մասնակիցներին ներկայացվող պարտադիր պահանջներից են նաև ՀՀ օրենքների իմացությունը և համակարգչային գիտելիքները / «Վորդ», «Էկզել», «Ֆոտոշոպ» ծրագրերին տիրապետելը պարտադիր է/:
Մրցույթին մասնակցելու համար անձը հանձնաժողովին է ներկայացնում.
1. Հանձնաժողովի անունով գրավոր դիմում` նշելով այն աշխատատեղը, որին հավակնում է /ձև 1/,
2. Բարձրագույն կրթության մանկավարժության որակավորման աստիճանը հավաստող ավարտական փաստաթուղթը ներդիրի հետ /դիպլոմը միջուկով/,
3. Թափուր աշխատատեղը զբաղեցնելու համար մասնագիտական գիտելիքնե-րին ևաշխատանքային ունակություններին ներկայացվող պահանջների բավարարումըհավաստող փաստաթղթերի, հավաստագրերի պատճենները /առկայության դեպքում/,
4. Քաղվածք աշխատանքնային գրքույկից /առկայության դեպքում/,
5. Անձնագրի պատճենը,
6. Ինքնակենսագրություն /ձև 4/
7. Համակարգչային գիտելիքների տիրապետելու մասին փաստաթուղթ /առկայոթւյան դեպքում/,
8. Մեկ լուսանկար` 3x4 չափսի,
9. Այլ պետությունների քաղաքացիները` ՀՀ-ում աշխտելու իրավունք,
10. ՀՀ արական սեռի քաղաքացիները ներկայացնում են նաև զինգրքույկ:


Փաստաթղթերն ընդունվում են 2013 թվականի հոկտեմբերի 2-ից մինչև հոկտեմբերի 29-ըներառյալ, ամեն օր՝ ժամը 10-ից 15-ը, բացի շաբաթ և կիրակի օրերից:
Փաստաթղթերի ընդունումը կանցկացվի ըստ կարգի:
Մրցույթն անցկացվելու է Լիճքի միջնակարգ դպրոցում 2013 թվականի նոյեմբերի 1-ին, ժամը14-ին:
Լրացուցիչ տեղեկությունների համար զանգահարել 093 35 10 83 և 055 35 10 83հեռախոսահամարներով:


Լիճքի միջնակարգ դպրոցի տնօրինություն

пятница, 21 июня 2013 г.

ՎԵՐԱԴԱՐՁ ԱԿՈՒՆՔՆԵՐԻՆ: Փառքի սրահի բացման արարողություն

Լիճքի միջնակարգ դպրոցը 2012-2013 ուստարում շարունակեց իր համագործակցությունը Հայաստանի պատանեկան նվաճումներ կազմակերպության հետ: 
12-րդ դասարանցիներից առաջադրվեցին աշակերտական ընկերության նախագահի թեկնածուներ և ՀՀ օրենսդրության համապատասխան տեղի ունեցավ աշակերտական ընկերության նախագահի ընտրություն:
Աշակերտական ընկերությունը մանսկացություն ունեցավ մի շարք հասարակական, բնապահպանական, մարզամշակութային միջոցառումների և մասնակցեց Հայաստանի պատանեկան նվաճումներ կազմակերպության և USAD-ի կողմից հայտարարված դրամաշնորհային մրցույթին:
 Շուրջ 100 հայտերից ընտրվեցին 10-ը, որից հաղթող ճանաչվեց Լիճքի միջնակարգ դպրոցի «Վերադարձ ակունքներին» ծրագիրը: Ծրագրի գլխավոր նպատակն է ստեղծել փառքի սրահ՝ ի խոնահրում Լիճքի պատմությունը կերտողներին: Շուրջ հինգ ամսվա ընթացքում ձեռք
բերվեցին ցուցանակ-տաղավարներ, հավաքագրվեցին ձեռագրեր, նկարներ,Հայրենակ Մեծ պատերազմի և Արցախյան ազատամարտի մասնակիցների, նահատակների հուշամեդալներ, փաստաթղթեր, արխիվային նյութեր, նաև Լիճքի մանկավարժների, մտավորականների, ստեղծագործողների արխիվային փաստաթղթեր, լուսանկարներ, ձեռագրեր, պատմական արժեք ներկայացնող անձնական իրեր և նմուշներ: 

2013 թվականի հունիսի 21-ին տեղի ունեցավ Փառքի սրահի բացման արարողությունը, որն իր մասնակցությամբ պատվել էր «Հայստանի պատանեկան նվաճումներ», «Օրրան»
բարեգործական հասարակական կազմակերպությա տնօրեն Արմինե Հովհաննիսյանը, Անահիտ Մանուկյանը, «Հայստանի պատանեկան նվաճումներ» կազմակերպության Գեղարքունիք մարզի համակարգող Հակոբ Սմբատյանը և այլ հյուրեր: Փառքի սրահի բացման պատիվը ընձեռնվեց Լիճքի «Հայ Ասպետների» թիմի ավագ Արմեն Եղիազարյանին: Ներկաներին դիմավորեցին Լիճքի միջնակարգ դպրոցում գործող «Արմին» պարային համույթի փոքրիկները: Փառքի սրահը խորհրդանիշ է վերադարձ դեպի ակունքներին և որպես շարունակություն ակնկալում է համայնքի օժանդակությունը՝ նյութերի հավաքագրման գործում: Ըստ Արմինե Հովհաննիսյանի Փառքի սրահը գիտական, արխիվային,
թանգարանային լուրջ նմուշներ ունի, որով ցանկացած այցելու կծանոթանա ոչ միայն Լիճքի, այլև Հայոց պատմությանը: 

Ծրագրով նախատեսված երեք ցուցանակ-տաղավարների փոխարեն, շնորհիվ հովանավորների, ձեռք բերվեցին ևս 5-ը: Ծրագրով նախատեսված 360000 դրամի փոխարեն հավաքագրվեց 800000 ՀՀ դրամի համարժեք նյութական միջոցներ՝ չհաշված ֆիզիկական, մտավոր աջակցությունները: Ըստ տնօրեն Ա. Հոխիկյանի՝ ի կատար ածվեց Փառքի սրահի գաղափարը, որին կհաջորդի ազգագրական թանգարանի հիմնադրումը և հավաստեց, որ աշխատանքային ձևաչափը այդ մասով էլ է ծրագրավորված:

Նկարները՝ այստեղ

четверг, 16 мая 2013 г.

Ասմունքի մրցույթ՝ նվիրված Միսաք Մեծարենցին և Պետրոս Դուրյանին



Մայիսի 16-ին Մարտունու պատկերասրահում տեղի ունեցավ ասմունքի մրցույթ՝ նվիրված հայ մեծանուն բանաստեղծներ Միսաք Մեծարենցին և Պետրոս Դուրյանին: Մասնակցում էին Մարտունու տարածաշրջանի դպրոցներից 18 աշակերտներ: Ասմունքի մրցույթին Լիճքի միջնակարգ դպրոցը ներկայացնում էին 7-րդ դասարանի աշակերտուհի Էմմա Վարդանյանը և 8-րդ դասարանի աշակերտուհի Մարինե

понедельник, 13 мая 2013 г.

Գվիդոն Սմբատյանի անվան մինի ֆուտբոլի հուշամրցաշար



Մայիսի 4-ին Լիճքի միջնակարգ դպրոցում տեղի ունեցավ Գվիդոն Սմբատյանի անվան մինի ֆուտբոլի տարածաշրջանային առաջնությունը: Մասնակցում էին 6 թիմեր` Ծակքարից, Երանոսից, Վարդենիկից և Լիճքից: Եզրափակիչ փուլ անցան Լիճքի միջնակարգ դպրոցի և Ծովասարի թիմերը: 2:1 հաշվով հաղթող ճանաչվեց Լիճքի թիմը:

Միջոցառման նպատակն էր երեխաների մեջ սերմանել սեր սպորտի հանդեպ: Ձևավորել միջհամայնքային ընկերական կապ, մի քանի ժամ կտրել համակարգչային խաղերից և ներքաշել իսկական սպորտի մեջ:

 Առաջինից երրորդ տեղեր գրաված թիմերը ստացան խրախուսական նվերներ, պատվոգրեր և գավաթ:

воскресенье, 12 мая 2013 г.

ՀՐԱԺԵՇՏ ԱՅԲԲԵՆԱՐԱՆԻՆ


2012-2013 ուստարում տառաճանաչ դարձան ևս 77 աշակերտներ, դասվարներ Լարիսա Մկրտչյանի, Գայանե Սարգսյանի և Բյուրեղիկ Գևորգյանի շնորհիվ: Երեխաների համար առաջին դասարանի հանդեսը ամենահիշարժան և տպավորիչ տոներից մեկն է:


 Գայանե Սարգսյանի 22 տարվա մանկավարժական գործընթացում տառաճանաչ դարձրեց 7-րդ սերունդը: Առաջին Բ դասարանի աշակերտները թոթովախոս լեզվով ներկայացրեցին Այբուբենի ստեղծման պատմությունը, Մեսրոպ Մաշտոցի փառապանծ ուղին: Իրենց քաղցր ձայնով ծնողների, ուսուցիչներ, աշակերտների համար երգեցին հայրենասիրական երգեր, արտասանեցին ոտանովորներ, իսկ միջոցառման ավարտին ներկայացրեցին Հ. Թումանյանի “Կիկոսի մահը” հեքիաթի բեմադրությունը: Երեխաները այնքան էին տարվել այդ հեքիաթով, որ ներկաներին թվում էր, թե Կիկոսը իսկապես կենադանացել է:

суббота, 11 мая 2013 г.

Ինտելեկտուալ խաղ-վիկտորինա

 

Ապրիլի 11-ին Լիճքի միջնակարգ դպրոցում տեղի ունեցավ ինտելեկտուալ խաղ, որը բաղկացած էր 4 փուլից՝ գրատպությանը վերաբերող հարցեր, Մարտունու տարածաշրջանի ավանդապատումներ, դարձվածքներ, բացատրական բառարան և առակներ: Վիկտորինային մասնակցում էին 5 թիմեր՝ 5-րդ և 6-րդ դասարաններից: Հաղթող ճանաչվեցին 6-րդ Բ դասարանի «Արևներ» և 6-րդ Ա դասարանի «Արծիվներ» թիմերը:

Ուսուցողական խաղի նպատակը երեխաներին սովորեցնելն էր հայ գրականության և ժողովրդական բանահյուսության հին մատենագիրների, հին անանուն հեղինակներից պահպանված առեղծվածները, առակները: Աշակերտները ծանոթացան Մարտունու տարածաշրջանի ավանդապատումներին:

суббота, 27 апреля 2013 г.

Դպրոցականները հատուցման մասին





Ապրլի 24-ին Լիճքի միջնակարգ դպրոցի սաները բաց դաս էին կազմակերպել եղեռնի զոհերին նվիրված հուշարձան-խաչքարի մոտ, իսկ ապրիլի 27-ին դպրոցի սաները կազմակերպել էին մի այլ միջոցառում, որի հիմնական թեման Ցեղասպանության հատուցումն ու ճանաչումն էր, որը շուրջ մեկ դար քննարկվում է, սակայն չի տրվել արդարացի լուծում:

Սկզբից երեխաները ներկայացրեցին Մեծ Եղեռնի ջարդերի մասին, որը կատարվել է փուլ առ փուլ, շուրջ մեկ և կես միլիոն հայերի ջարդն ու տեղահանումը: Այնուհետև ներկայացրեցին Հայ ժողովրդի սփռվելը աշխարհով մեկ՝ Սփյուռքի գաղափարը:

Միջոցառման երրորդ մասը «Հատուցումն» էր: Սաները ներկայացրեցին հայ վրիժառուների «Նեմեսիս» գործողությունը, թե ինչպես են վրեժխնդիր եղել մի ամբողջ ժողովրդի կոտորածը, ջարդը ծրագրած թուրք պարագլուխներին:

среда, 24 апреля 2013 г.

ԱՅԼԵՎՍ ԵՐԲԵՔ



Ապրիլի 24-ին Լիճքի միջնակարգ դպրոցի սաները Լիճքի Եղեռնի հուշարձան-խաչքարի մոտ հարգանքի տուրք մատուցեցին 1915 թ. Ցեղասպանության զոհերի հիշատակին:



9-րդ Ա դասարանի աշակերտները, ուսուցչուհի Անահիտ Ավագյանի հետ, բաց դաս անցկացրեցին հուշարձան-խաչքարի մոտ, այնուհետև Սևան ազգային պարկի աջակցությամբ 24 սոճիներ

տնկեցին:


понедельник, 15 апреля 2013 г.

Գիր սիրե՛, ղալամ սիրե՛, դավթար սիրե՛....



Գարնան զարթոնքը չէին մոռացել Լիճքի միջնակարգ դպրոցի աշակերտները, որոնք այդ տոնը նշեցին «Գիր սիրե՛, ղալամ սիրե՛, դավթար սիրե՛» խորագիրը կրող միջոցառումով՝ նվիրված Սայաթ-Նովային:

Աշակերտները առանձնահատուկ ձևով էին նախապատրաստվել Սայաթ-Նովայի ծննդյան 300 ամյակին: Նրանք ներկայացրեցին նոր շրջանի հայ բանաստեղծ-աշուղ Սայաթ-Նովայի կյանքը, խաղերը՝ հայերեն, վրացերեն և թուրքերեն: Միջոցառման համար ընտրված էին այն խաղերը, որտեղ աշուղ-բանաստեղծը գրել է, որ ինքը հայ է:

Ա 49
Աղոթրանին ով ուշ նայե
Չի ազատվի ախ ու ավյեն.
Սայաթ-նովեն ինքը հայ է,
Իր հավատքին ամուր կանգնած:


Ա. 65
Սիոնի սուրբ գերեզմանը, ապրելու տեղը մերն է.
Էջմիածնա մայր աթոռը և ազիզ ցեղը մերն է:


Բոլոր ժամանակներում սիրված աշուղ բանաստեղծի երգերը երգում էին այնպես հոգեհարազատ, կարծես թե երգերը ծնվել էին իրենց հետ, իրենց դարի և իրենց ժամանակին:

Գրական-երաժշտական միջոցառումը կազմակերպել էր դպրոցի գրադարանավար Մ. Հոխիկյանը:





четверг, 11 апреля 2013 г.

Տոն, որը միշտ երիտասարդ է...



Ապրիլի 6-ին Լիճքի Հովհաննես Թումանյանի անվան միջնակարգ դպրոցում անցկացվեց գրական-երաժշտական համադպրոցական միջոցառում ` նվիրված մայրության և գեղեցկության օրվան:
Միջոցառմանը հնչեցին տարբեր երգեր,արտասանվեցին  բանաստեղծություններ  մայրության, սիրո, գեղեցկության թեմաներով: Շնորհալի երեխաները ներկայացրեցին այն բարձր մակարդակով և  մեծ բավականություն պարգևեցին հանդիսատեսին: Միջոցառումը կազմակերպել էր ուսուցչուհի Սոնա Սիրականյանը: 

понедельник, 11 марта 2013 г.

Լիճքի սաները «Հայ Ասպետ» հեռուստախաղում


Փետրվարի 9-ին Լիճքի միջնակարգ դպրոցի երեխաները մասնակցեցին «Հայ Ասպետ» հեռուստախաղ-մրցույթի առաջին փուլին: Վաստակելով բարձր միավորներ և իրենց գեղեցիկ պատասխաներով հիացնելով բոլորին` հնարավորություն ստացան մասնակցելու Հայ Ասպետ հուռուստախաղի երկրորդ փուլին:

четверг, 21 февраля 2013 г.

Քաղաքացիական լրագրության սեմինար աշակերտների համար



Տեխնոլոգիաների զարգացման արագընթաց տեմպերին, համացանցում վարկյան առ վարկյան ավելացվցող ու տարածվող նյութերին հնարավոր չէ հետևել, իսկ եթե փորձես էլ, միևնույն է` ապարդյուն կլինի: Դպրոցականների համար բարդ է կողմորոշվել, թե ի՞նչ նյութ կարդալ, ո՞րն է օգտակարը, ո՞րը կհանդիսանան ուսուցմանը օժանդակ,ինչպե՞ս համացանցը օգտագործել ուսուցման նպատակով, ի՞նչպես լուսաբանել իրենց հոտաքրքրող խնդիրները: Այս բոլոր հարցերին

четверг, 14 февраля 2013 г.

Ակտիվ քաղաքացին ծնունդ է առնում դպրոցից


 2012 թվականի Մայիս ամսին Լիճքի միջնակարգ դպրոցի աշակերտները մասնակցեցին Մարտունու Երիտասարդական Բանկի կողմից հայտարարված դրամաշնորհային մրցույթին: Մեր համայնքը զրկված էր երեխաների ժամանցի կազմակերպման հնարավորություններից: Աշակերտները որոշեցին այդ հիմնախնդիրը մեղմելու համար մասնակցել դրամաշնորհային ծրագրին և հաղթելով` ձեռք բերեցին 172600 ՀՀ դրամ: Դիմել էին նաև համայնքի ավագանուն և համայնքի

пятница, 1 февраля 2013 г.

Պարույր Սևակի ծննդյան 89 ամյակին նվիրված գրական-երաժշտական միջոցառում



   Հունվարի 24 –ին Լիճքի Հովհ. Թումանյանի անվան միջնակարգ դպրոցում տեղի ունեցավ հայ մեծանուն բանաստեղծ Պարույր Սևակի ծննդյան 89 ամյակին նվիրված գրական-երաժշտական միջոցառում:

понедельник, 28 января 2013 г.

Ուսուցիչներիս... Իռա Արզումանյանի ստեղծագործությունները


ՈՒՍՈՒՑՉԻՍ

Ուսուցի՜չ, խոնարհ ու վեh կոչում,
Անխոս նվիրում ու լուռ ինքնայրում,
Մատաղ սերնդի կրթության գործում
Կյանքի լուսավոր ուղին ես հարթում:

Դու գանձարանի դռները բացում
Ոգեղեն գանձը սաներին հանձնում,
Ոգեղեն լույսի ճաճանչը խորունկ
Մատաղ սերնդի հոգուն ուղորդում:

Տալիս ես նրան թևեր թռիչքի
Ե՜վ խոհեմություն, և՜ լարում մտքի`
Քայլելու կյանքի բարդ ուղիներով,
Հաղթելու ճամփան` աննկուն կամքով:


        Եվգենյա   Շմելկովային

 
Հեռավոր հյուսիսից դու այստեղ եկար`
Բյուր երազներով ու վառ հույսերով,
Այս փոքրիկ գյուղը եկար, մնացիր,
Օջախ հիմնեցիր` հայի ադաթով:

Հայ երեխային մոր պես սիրեցիր,
Ռուսերենով հաղորդակցվեցիր,
Գանձերը լեզվի նրանց տվեցիր,
Նրանց կրթելուն քեզ նվիրեցիր: