Բաց դաս` նվիրված 1988թ. դեկտեմբերի 7-ի Սպիտակի երկրաշարժին

Լիճքի միջնակարգ դպրոցի պատմաաշխարհագրական մեթոդմիավորումը իր հերթական բաց դասն էր լսելու` այս անգամ հայոց պատմությունից` IXբ դասարանում (ուսուցչուհի` Անահիտ Ավագյան):

ԳՐԻՑ ՄԻՆՉԵՎ ԳԻՐՔ

Հիշի՛ր, տղաս, ուսուցչին պետք է

միշտ ոտքի կանգնած դիմավորել…

Լիպարիտ Սարգսյան

Նոյեմբերի 23-ին Լիճքի միջնակարգ դպրոցում տոնական տրամադրություն էր: Աշակերտները հյուրընկալեցին տարրական դասարանների ինը դասագրքերի հեղինակ, «9-րդ հրաշալիք» շաբաթաթերթի գլխավոր խմբագիր, գրող Վաչագան Ա.Սարգսյանին, բանաստեղծ Լիպարիտ Սարգսյանին և «Կանչ» թերթի խմբագիր Վարուժան Մնացականյանին:

Իսահակյանը 137 տարեկան է

Լուսանկարը՝ Արսեն Խաչատրյանի

Հոկտեմբերի 30-ին Լիճքի միջնակարգ դպրոցում նշվեց հայ մեծանուն բանաստեղծ Ավետիք Իսահակյանի ծննդյան 137 ամյակը: Միջոցառումը տեղի ունեցավ դպրոցի նիստերի դահլիճում: Ներկա էին դպրոցի տնօրենը, ուսուցիչներ, միջին և բարձր դասարանների աշակերտներ:

   10-րդ Բ դասարանի աշակերտները ներկայացրեցին Իսահակյանի կենսագրությունը, կյանքի կարևոր դրվագները և գրավոր ժառանգության սքանչելի էջերից կազմված գրական-երաժշտական կոմպոզիցիա: Այս միջոցառումը տարբերվեց նախկինում կայացած միջոցառումներից նրանով, քանի որ կիրառվեցին ժամանակակից տեխնոլոգիաների հնարավորությունները:

Ավարտվեց զոհված ազատամարտիկներին նվիրված ֆուտբոլի հուշամրցաշարը

Լուսանկարը` Ռաֆիկ Հակոբյանի

  

Արդեն տաս տարի է Լիճքում կազմակերպվում է ֆուտբոլի հուշամրցաշար` նվիրված զոհված ազատամարտիկների հիշատակին: Խաղին մասնակցում էին 9-12-րդ դասարանների աշակերտները:

Միջոցառում` նվիրված անկախության 21-րդ տարեդարձին

Սեպտեմբերի 20-ին Լիճքի միջնակարգ դպրոցում տեղի ունեցավ միջոցառում, որը նվիրված էր Հայաստանի անկախության 21-րդ տարեդարձին:

Դպրոցի տնօրինության կողմից միջոցառումը հանձնարարվել էր 6-րդ Ա դասարանին (դասղեկ` Սյուզաննա Մարկարյան): Աշակերտները միջոցառման ընթացքում ներկայացրեցին Հայոց պատմության ուշագրավ դրվագները` գրերի ստեղծման պատմությունը, նշանավոր հաղթանակները, Անկախ Հայաստանի վերածննդի հերոսական էջերը: Այնուհետև միջոցառումը եզրափակեցին Հայաստանի Հանրապետության օրհներգով:

Լիճքն առանց աղբի

Սեպտեմբերի 15-ին Լիճքի միջնակարգ դպրոցի սաները, միանալով <Մենք կարող ենք>( “Let’s DO It” Armenia) շարժման ծրագրի շրջանակներում իրականացվող <Հայաստանն առանց աղբի> նախաձեռնության սանիտարամաքրման աշխատանքներին, մաքրեցին Լիճքի միջնակարգ դպրոցի տարածքը, գյուղամիջյան ճանապարհի երկայնքը և գյուղի աղբյուրի շրջակայքը: Մասնակցում էին 170 աշակերտներ, որոնք միասնական ուժերով հավաքեցին 30 պարկ պլաստմասե և 4 պարկ ապակյա տարաներ, իսկ այն աղբը որը ենթակա էր այրման` հատուկ հատկացված տարածքում այրեցին:

ՀԱՅՏԱՐԱՐՈՒԹՅՈՒՆ

    Հայտարարվում է մրցույթ Գեղարքունիքի մարզի Լիճքի միջնակարգ դպրոցի

1-4-րդ դասարանների ուսուցչի /20 դասաժամ/թափուր աշխատատեղի համար:

Մրցույթի մասնակիցների գիտելիքների և մասնագիտական կարողությունների ստուգումն անցկացվելու  է երկու փուլով` գրավոր /հանրակրթական առարկայական ուսումնական ծրագրերին ու կրթությանը վերաբերվող ՀՀ օրենքներին համապատասխան/ և հարցազրույց /մանկավարժական մասնագիտական գործնական հմտություններ/:

  Մրցույթի մասնակիցներին ներկայացվող պարտադիր պահանջներից են նաև ՀՀ օրենքների իմացությունը և համակարգչային գիտելիքները   / «Վորդ», «Էկզել», «Ֆոտոշոպ» ծրագրերին տիրապետելը պարտադիր է/:

 Մրցույթին մասնակցելու համար անձը հանձնաժողովին է ներկայացնում.

1.      Հանձնաժողովի անունով գրավոր դիմում` նշելով այն աշխատատեղը, որին հավակնում է /ձև 1/,

2.      Բարձրագույն կրթության մանկավարժության որակավորման աստիճանը հավաստող ավարտական փաստաթուղթը ներդիրի հետ /դիպլոմը միջուկով/,

3.      Թափուր աշխատատեղը զբաղեցնելու համար մասնագիտական գիտելիքնե-րին և աշխատանքային ունակություններին ներկայացվող պահանջների բավարարումը հավաստող փաստաթղթերի, հավաստագրերի  պատճենները /առկայության դեպքում/,

4.      Քաղվածք աշխատանքնային գրքույկից /առկայության դեպքում/,

5.      Անձնագրի պատճենը,

6.      Ինքնակենսագրություն /ձև 4/

7.      Համակարգչային գիտելիքների տիրապետելու մասին փաստաթուղթ /առկայոթւյան դեպքում/,

8.      Մեկ լուսանկար` 3x4 չափսի,

9.      Այլ պետությունների քաղաքացիները` ՀՀ-ում աշխտելու իրավունք,

10.  ՀՀ արական սեռի քաղաքացիները ներկայացնում են նաև զինգրքույկ:

   Փաստաթղթերն ընդունվում են 2012 թվականի սեպտեմբերի 19-ից մինչև   հոկտեմբերի 18-ը ներառյալ, ամեն օր՝ ժամը 10-ից 15-ը, բացի խաբաթ և կիրակի օրերից:

   Փաստաթղթերի ընդունումը կանցկացվի ըստ կարգի:

   Մրցույթն անցկացվելու է Լիճքի միջնակարգ դպրոցում 2012 թվականի հոկտեմբերի 22-ին, ժամը 14-ին:

    Լրացուցիչ տեղեկությունների համար զանգահարել 093 35 10 83  և  055 35 10 83 հեռախոսահամարներով:

Լիճքի միջնակարգ դպրոցի տնօրինություն

ՀՐԱԺԵՇՏ ԱՅԲԲԵՆԱՐԱՆԻՆ

Ապրիլի 28-ին Լիճքի միջնակարգ դպրոցի Iբ դասարանի դասվար Ռաիսա Միանսյանը կազմակերպել էր «Հրաժեշտ Այբբենարանին» խորագրով միջոցառում:

Թոթովախոս աշակերտները միջոցառումը սկսեցին Մեսրոպյան ոսկե տառերին նվիրված ոտանավորներով:


Երիտասարդ ուսուցչուհին կարճ ժամանակահատվածում երեխաների մեջ սերմանել էր «Հացը սուրբ է» գաղափարը, որը փոքրիկները ներկայացրեցին հետաքրքիր բեմադրությամբ:

Իսկ ամենաողջունելին միասնության, համախմբվածության նվիրված պարն էր:

Միջոցառումը ուսուցողական հսկայական նշանակություն ունեցավ աշակերտների համար, հնարավորություն ընձեռեց բացահայտել նրանց ներուժը և նրանց մեջ սերմանեց նորանոր հմտություններ:

Աշակերտները հրաժեշտ տվեցին Այբբենարանին և մտան մի նոր հեքիաթային աշխարհ` գրքերի աշխարհ:


 Միջոցառման ավարտին աշակերտներին իր շնորհավորանքի խոսքն ուղղեց դպրոցի տնօրեն Ա. Հոխիկյանը:

Հայոց Մեծ Եղեռնին նվիրված միջոցառում

  Ապրիլի 21-ին Լիճքի միջնակարգ դպրոցում անցկացվեց միջոցառում` նվիրված Հայոց Մեծ Եղեռնին: 

 Միջոցառումը տեղի ունեցավ դպրոցի մեծ դահլիճում: Աշակերտները և ծնողները մեկ րոպե լռությամբ հարգեցին անմեղ զոհերի հիշատակը: Միջոցառման ընթացքում աշակերտները հատվածներ արտասանեցին Պ. Սևակի «Անլռելի Զանգակատուն» պոեմից, ընթացքում հնչում էր Վարդապետ Կոմիտասի կենդանի կատարումները:         

Նաև բաց դաս էին կազմակերպել 12-րդ դասարանի աշակերտները: Բաց դասը անցկացրեցին Հայոց Մեծ եղեռնին նվիրված հուշակոթողի մոտ: Դպրոցի տնօրենը, ուսուցիչները և աշակերտները ծաղիկներ դրեցին Եղեռնի զոհերի հիշատակը հավերժացնող հուշակոթողին: 

 1915 թ. Ցեղասպանությունը խարանի պես տպված է մեր ժողովրդի ճակատի ու սրտի մեջ. մենք  հավատու՛մ ենք և սպասում Վրեժի Դատաստանին...

Դպրոցական ծառատունկ Լիճքում

Ապրիլի 14-ին Գեղարքունիքի մարզի Լիճք գյուղի միջնակարգ դպրոցի աշակերտները և ուսուցիչները միասնական ուժերով մասնակցեցին սպասված շաբաթօրյակին: Դպրոցի շրջակայքի, հարակից այլ տարածքների մաքրման աշխատանքներից զատ նաև տնկվեց 110 ծառ` պտղատու և դեկորատիվ:

Ծառեր տնկվեցին նաև Հայրենական պատերազմի մասնակիցներին նվիրված հուշարձանի շրջակայքում:

Դպրոցում արդեն ավանդույթ է ձևավորվել, և ամեն գարնանն աշակերտները ծառեր են տնկում և առանձնահատուկ խնամքով հետևում դրանց աճին: Դպրոցականների հոգածության արդյունքն էլ հանրակրթարանի մոտ 500 ծառ  ունեցող պտղատու այգին է:

Մի քանի տարի առաջ երեխաները դժկամությամբ էին մասնակցում շաբաթօրյակներին, իսկ հիմա յուրաքանչյուր աշակերտի համար շրջակա միջավայրը մաքուր պահելը «բնավորության գիծ» է դարձել:

Աշակերտները հաճույքով են մասնակցում շաբաթօրյակներին, որի շրջանակներում անպայման ծառեր են տնկվում: Պատանի այգեգործները ոգևորությամբ են սպասում իրենց տնկած ծառերի առաջին բողբոջներին:

Ուրախալին այն է , որ երեխաների մեջ ձևավորվել է պատասխանատվության զգացում. երբ Լիճքի միջն. դպրոցում կազմակերպվում են միջհամայնքային միջոցառումներ, աշակերտներն անձամբ են հետևում, որպեսզի իերնց անվանական ծառերը կամ թփերը չվնասեն:           

Աղբյուր` Մարտունի ԻնֆոՏՈՒՆ

«Գարնան զարթոնք» խորագրով միջոցառում Լիճքի միջնակարգ դպրոցում

Լիճքի միջնակարգ դպրոցի աշակերտներն ազդարարեցին գարնան գալուստը:

Մայրության ու գեղեցկության տոնի նախաշեմին օրերս հերթական գեղեցիկ և դաստիարակչական միջոցառումն էր կազմակերպվել Լիճքի միջնակարգ դպրոցում՝ նվիրված մայրերին և ուսուցչուհիներին:


Միջոցառման մասնակիցները ներկայացրեցին Մարտի 8-ի ստեղծման պատմությունը, որը համարվում է հրեական տոն և նշվում է գարնանամուտին:


«Անակախությունից հետո Հայաստանում փորձեցին Մարտի 8-ը հանել տոնացույցից, և, որպես այլընտրանք, ապրիլի 7-ը հռչակվեց Մայրության և գեղեցկության օր, սակայն Մարտի 8-ն այնքան խոր արմատներ էր գցել և դարձել հայերի սիրված տոներից, որ արդեն ձևավորված ավանդույթին հակառակ գնալն անիմաստ էր, և Մարտի 8-ը վերականգնվեց: Ավելին՝մարտի 8-ից ապրիլի 7-ը ոչ պաշտոնապես մեզանում համարվում է կանանց միամսյակ»,- իր ելույթում նշեց 5-րդ դասարանի աշակերտ Հայկ Սուքիասյանը:


Աշակերտները ջերմ բարեմաղթանքներ և բանաստեղծություններ նվիրեցին մայրերին և ուսուցչուհիներին:


«Նմանատիպ միջոցառումները դաստիարակչական բնույթ են կրում և պետք է շարունակական լինեն»,- ասում էին ծնողները:

Աղբյուր` Մարտունի ԻնֆոՏՈՒՆ

Հայրենասիրական միջոցառում Լիճքի միջնակարգ դպրոցում

Փետրվարի 23-ին Լիճքի միջնակարգ դպրոցում տեղի ունեցավ ռազմահայրենասիրական միջոցառում` նվիրված ՀՀ բանակի կազմավորմանը (ներառյալ` ֆիդայական շարժումը, Հայաստանի առաջին հանրապետության բանակի ձևավորումը, հայ ժողովրդի հերոսական պայքարը Հայրենական մեծ պատերազմին,Արցախի ինքնապաշտպա-նական պայքարն ու կամավորական ջոկատների հենքի վրա նորանկախ Հայաստանի կանոնավոր բանակի կազմավորումը):

Միջոցառմանը մասնակցում էին 5-6-րդ դասարանների աշակերտները, որոնք մեծ ոգևորությամբ ներկայացրեցին մեր հերոսների կենսագրականները, նրանց խոհերն ու կոչերը,երգեցին հայրենասիրական երգեր:

Հայոց ազգային բանակի կայացման գործում ուրույն տեղ ունեն նաև լիճքեցիները: Պարտադրված պատերազմի առաջին իսկ օրերից մինչ հակառակորդին խաղաղ բանակցությունների սեղանի շուրջ նստել ստիպելը լիճքեցի կամավորականները մասնակցել են արցախյան ազատամարտին:Արցախի ինքնապաշտպանությանն ընդհանուր առմամբ մասնակցել են 127 լիճքեցիներ, որոնցից 91-ը 1994թ. փետրվարի 23-ին մեկնեցին պատվով պատնեշելու Օմարի լեռնանցքը:

Կայացած միջոցառմանը ներկա էին նաև ազատամարտիկները: Լիճքի ազատամարտիկների ջոկատի հրամանատար Մայիս Հովհաննիսյանին ՀՀ ազգային բանակի քսանամյակի մեդալ հանձնեց Հատուկ գնդի վետերանների խորհրդի նախագահ Վանիկ Առաքելյանը: Նա նաև մի խումբ ազատամարտիկների հանձնեց Հատուկ գնդի վետերանի գրքույկներ:

Ազատամարտիկները նաև հուշեր պատմեցին մարտական կյանքից:«Պատերազմը դաժան բան է, բայց մենք ստիպված էինք զենք վերցրել,քանի որ վտանգված էր մեր ժողովրդի խաղաղ ապրելու իրավունքը»,- ասում էին նրանք:

Հանդիսության վերջում դպրոցի երգչախումբը (ղեկավար՝ Սոնա Սիրականյան) հայրենասիրական երգերի մի շարք նվիրեց ազատամարտիկներին:

Միջոցառման կազմակերպիչներն էին դպրոցի գրադարանավարուհի Մանուշ Հոխիկյանը և կազմակերպիչ Սվետիկ Դավթյանը:

Աղբյուր` Մարտունի ԻնֆոՏՈՒՆ