Համապետական շաբաթօրյակ

Լիճքի Հովհանես Թումանյանի անվան միջնակարգ դպրոցը նույնպես միացավ համապետական շաբաթօրյակին: Մայիսի 27-ին Մանկավարժները, աշակերտները մաքրեցին գյուղի կենտրոնական գերեզմանոցի շրջակայքը, աշակերտների մի մասը՝ գյուղի կենտորանական թաղամասերը...

ՀՐԱԺԵՇՏ ԱՅԲԲԵՆԱՐԱՆԻՆ

Եվս մեկ հրաշալի սերունդ մանկության մոլորակից անցում կատարեց գիտելիքների մոլորակ, գրաճանաչ դարձավ` շնորհիվ դասվարներ Նորա Քոչարյանի, Ժաննա Սիմոնյանի և Լիլիթ Սամսոնյանի:

Մայիսի 6-ին, 7-ին և 8-ին Լիճքի միջանակրգ դպրոցի առաջին դասարանի աշակերտները սովորականից ավելի ոգևորված էին: Նրանց մանկական հիշողություններում ավելացավ ևս մեկ հիքիաթային օր: Մի քանի ամիս չարչարելուց և չարչարվելուց հետո աշակերտները սովորել էին հայոց տառերը: Անասելի երջանկություն կար թե աշակերտների, թե նրանց ծնողների աչքերում: Հայ մանուկներն արդեն իրենց ձեռքին ւնեին հզոր զենք: Նրանք արդեն գրաճանաչ էին ու տեղափոխվել էին գիտելիքների անծայրածիր մոլորակը:

Ցեղասպանության 100 ամյակին ընդառաջ

Լիճքի միջնակարգ դպրոցում մայիսի 13-ին տեղի ուենցավ «Ցեղասպանության 100 ամյակին ընդառաջ» խորագիրը կրող միջոցառումը:

Միջոցառումը ընդգրկում էր Հ. Թումանյանի քաղաքական հոդվածները:

Ինտելեկտուալ ակումբ

 
Մայիսի 12-ին դպրոցում տեղի ունեցավ խաղ-վիկտորինա, որին մասնակցում էին 5-րդ և 6-րդ դասարաններից ընտրված 5 թիմեր: Ինտելեկտուալ խաղի հարցերը ընտրված էին Հայրենագիտություն, Ես և շրջակա աշխարհ և Բնագիտություն առարկաներից: Թիմերի համար նաև լրացուցիչ հարցեր էր նախապատրաստել 9-րդ դասարանի աշակերտուհի Մարինե Մովսիսյանը:

Անակնկալ ուսուցչանոցում

Լիճքի միջնակարգ դպրոցի ռուսաց լեզվի բազմավաստակ ուսուցչուհի Աննա Գասպարյանը 6-րդ Բ դասարանի աշակերտների միջոցով անակնկալ մատուցեց  դպրոցի մանկավարժներին:
 8:50 րոպեին Աննա Գասպարյանի գլխավրությամբ ուսուցչանոց մտան 6-րդ Բ դասարանի աշակերտները և ռուսերեն երգերով ու բանաստեղծություններով շնորհավորեցին բոլոր մանկավարժներին` մայիսյան տոների առթիվ: Վերջում երեխաները բոլոր մանկավարժներին նվիրեցին մեկական վարդ:
 Հետաքրքիրն այն էր, որ երեխաների հետ երգում էր նաև Աննա Գասպարյանը:

ՄԻՆԻ ՖՈՒՏԲՈԼԻ ՀՈՒՇԱՄՐՑԱՇԱՐ

Մայիսի 5-ին Լիճքի միջնակարգ դպրոցում մեկնարկեց Գվիդոն Սմբատյանի հիշատակին նվիրված և արդեն ավանդական դարձած մինի ֆուտբոլի տարածաշրջանային 8-րդ հուշամրցաշարը: Հուշամրցաշարին մասնակցում էին 10 թիմեր՝ Մարտունու տարածաշրջանի դպրոցներից: Մրցույթի առաջին փուլն անցավ օլիմպիական սկզբունքով և հաղթող 5 թիմերի մեջև, մրցանակային տեղերի համար, սուր պայքար ծավալվեց : Մրցումները տևեցին 2 օր: 2014թ. հուշամրցաշարի հաղթող դարձավ Վերին Գետաշենի N1 դպրոցի թիմը (մարզիչ՝ Մուրադյան): Իսկ 2-րդ և 3-րդ տեղերը համապատասխանաբար գրավեցին Լիճքի միջնակարգ և Ներքին Գետաշենի թիվ 2 միջնակարգ դպրոցների թիմերը (մարզիչներ՝ Վ. Առաքելյան, Եղիազարյան):

ՀԱՄԱԴՊՐՈՑԱԿԱՆ ԵՐԳԻ ՓԱՌԱՏՈՆ

Վերջերս դպրոցում լարված իրարանցում էր, թե՛ երեխաների, և թե՛ ծնողների մոտ, որովհետև դպրոցում պետք է տեղի ունենար համադպրոցական երգի փառատոնը:

Ապրիլի 30-ին դպրոցում տեղի ունեցավ համադպրոցական երգի փառատոնի եզրափակիչ փուլը: Դեռևս նոյեմբեր ամսին դպրոցի մանկավարժական և ծնողական խորհրդի անդամներից կազմված ժյուրին նախնական լսումների փուլում ընտրեց եզրափակիչ փուլի անդամներին՝ Ծաղիկ Վարդանյան (8-րդ դաս), Արեն Սարգսյան(7-րդ դաս.), Լիլիթ Սերոբյան (4-րդ դաս.), Մարգարիտա Կրպեյան (9-րդ դաս.), Լեռնուհի Հակոբյան (12-րդ դաս.), Նաթելլա Բարեյան (1-ին դաս.), Անի Պողոսյան (10-րդ դաս.), Գայանե Գրիգորյան (11-րդ դաս.), Հուրմիկ Կոստանյան (8-րդ դաս.), Անահիտ Մկրտչյան (4-րդ դաս.), Էմմա Վարդանյան (8-րդ դաս.): Սակայն փառատոնի շնորհալի մասնակիցներից Լեռնուհի Հակոբյանը հարգելի պատճառներով չմասնակցեց:

Աշակերտներին հանձնարարվել էր հայ կոմպոզիտորների հայտնի ստեղծագործություններից և նաև ժողովրդական երգեր: Մասնակիցները մեծ ոգևորությամբ էին նախապատրաստվում եզրափակիչ փուլին:

Միջոցառման սկզբում փառատոնի մասնակիցներին և հանդիսատեսին իր գեղեցիկ կատարմամբ ողջունեց 7-րդ Բ դասարանի աշակերտուհի, քանոնահար Աննա Հովհանյանը: Այնուհետև ելույթ ունեցան փառատոնի մասնակիցները:

 
Եվ մինչ ժյուրին կկատարեր դժվարին որոշումը, տոնական միջոցառումն իրենց գեղեցիկ կատարումներով զարդարեցին դպրոցի շնորհալի աշակերտներ Էլեն Խաչատրյանը, Արեն Սարգսյանը և Խաչիկ Պողոսյանը:

Գեղարքունիքի մարզի դպրոցականների ռազմաուսումնական հավաք

«Փոքր Մհեր» կրթահամալիրի տնօրինության նախաձեռնությամբ և Գեղարքունիքի մարզի հանրակրթական 16 դպրոցների աշակերտներից կազմված թիմերի մասնակցությամբ Ապրիլի 29-ին Գեղարքունիքի մարզի Ծովասար գյուղի Բ. Մուրադյանի անվան միջնակարգ դպրոցում անցկացվեց ռազմաուսումնական հավաք:
Հավաքին մասնակցում էր նաև Լիճքի միջնակարգ դպրոցի թիմը` 6 տղա և 4 աղջիկ:

Շնորհավոր Սուրբ Զատիկ

Հին կատակարանի Պասեքի տոնը քրիստոնեության մեջ վերածվել է Քրիստոսի Հարության տոնի, որը հայոց մեջ հաճախ կոչվում է Զատիկ Հարության:

Քրիստոսի Հարությունը հիշատակվում է Զատիկ անվամբ: Զատիկ նշանակում է զատում, բաժանում, հեռացում մեղքերից և վերադարձ առ Աստված: Զատիկը շարժական տոն է, Հայ առաքելական եկեղեցին այն նշում է գարնան գիշերահավասարին հաջորդող լուսնի լրման առաջին կիրակի օրը, որն ընկնում է մարտի 22-ից հետո մինչև ապրիլի 26-ը (35 օր) ընկած ժամանակահատվածը:

Այս տարի Հայ առաքելական եկեղեցին Հիսուս Քրիստոսի «հրաշափառ» հարության տոնը նշեց ապրիլի 20-ին:

Ցերեկույթ՝ նվիրված Մայրության և գեղեցկության տոնին

Մարտի 10-ին դպրոցում ևս մեկ հրաշալի միջոցառում տեղի ունեցավ` նվիրված Մայրության և գեղեցկության տոնին: Միջոցառմանը մասնակցում էին 11-րդ Բ և 8-րդ Ա դասարանի աշակերտները: Գարնանային այս գեղեցիկ տոնին նվիրված միջոցառումը կազմակերպել էր դպրոցի դաստիարակչական աշխատանքների գծով կազմակերպիչ Գարիկ Սիմոնյանը:
Իսկ միջոցառման երաժշտությունը ապահովեց 12-րդ Ա դասարանի աշակերտ Խաչիկ Պողոսյանը:

Աշակերտենրը իրենց երգերով, բանաստեղծություններով և բովանդակալից հումորներով ջերմ և պայծառ մթնոլորտ էին ստեղծել դահլիճում: Հրավիրված ուուսչուհիները, աշակերտները և ծնողները մեծ բավականություն ստացան այս գեղեցիկ միջոցառումից և շնորհակալություն հայտնեցին, որ իրենց օրը աշակերտները տոն դարձրեցին:

Դիտարժան միջոցառում` նվիրված կանանց տոնին

 Աշակերտական խորհրդի վերջին նիստի ժամանակ խորհրդի անդամները որոշեցին, որ այսուհետ դպրոցում դասարանական միջոցառումներ կկազմակերպեն նաև աշակերտները: Եվ այսօր` մարտի 6-ին, VI Ա դասարանի աշակերտները անցկացրեցին իրենց կազմակերպած միջոցառումը` նվիրված Մայրության և գեղեցկության տոնին:

Հայերնիքն` ամեն ինչից վեր...

Մարտի 3-ին III Ա դասարանում «Հայրենիք» թեմայով Բաց դաս էր կազմակերպել վաստակաշատ մանկավարժ, դասվար Սեդա Պռազյանը: «Հայրենիքն ամեն ինչից վեր է» այսպիսի դաստիարակություն են ստանում 3-րդ դասարանի աշակերտները: Դասին ներկա մանկավարժները զգում էին դասարանից հորդող տաք շունչը: Աշակերտները` շուրջ 32 երեխա, մասնակցեցին բաց դասին: Բաց դասը աշակերտները սկսեցին վերջերս զոհված հերոս Արմեն Հովհաննիսյանի հերոսական սխրանքը ներկայացնելով: Այնուհետև երեխաները հնարավորթյուն տվեցին մտովի հայտնվել Հայկ Նահապետի, Մեսրոպ Մաշտոցի, Սասունցի Դավթի, Զորավար Անդրանիկի ժամանակաշրջաները: Դարից դար անցումն այքնան սահուն ընթացավ, որ չնկատեցին, թե ինպես ավարտվեց դասաժամը:

Գիրք Գրոց

Ներկայիս տեղեկատվական դարաշրջանում կարծես թե մոռացության են մատնվում մեր ազգային, հոգևոր ավանդույթներն ու արժեքները: Փոխվել է դպրոցականների, երիտասարդների աշխարհայցքը: Հոգևոր և մշակութային դաստիարակությունը անհրաժեշտ է փոխանցել սերունդներին մանուկ հասակից, նախակրթարանից, առաջին դասարանից:

Դեկտեմբերի 13-ին Լիճքի միջնակարգ դպրոցում տեղի ուենցավ <<Գիրք Գրոց>> խորագրով միջոցառումը, որի նպատակն էր աշակերտների մեջ սերմանել հոգևոր արժեքների դերն ու նշանակությունը: Միջոցառմանը մասնակցում էին 4-րդ և 5-րդ դասարանների աշակերտները:

Աշակերտները ներկայացրեցին հեթանոսական դարաշրջանի, Մաշտոցյան գրերի, Պատմահայր Խորենացու ժամանակաշրջանի պատմության կարևոր դրվագները, 5-րդ դարի շարականները:

փոքրիկ Նարեն, որը նախադպրոցական խմբից էր, իր բանաստեղծությամբ գերեց ամբողջ դահլիճին, իսկ 4-րդ դասարանից Սուսաննա Գրիգորյանը <<Կիլիկիա>> երգի կատարմամբ գրավեց բոլորին՝ նրանց աչքերից քամելով հուզմունքի և ուրախության արցունքներ:
Միջոցառումը կազմակերպել էր գրադարանավարուհի Մանուշ Հոխիկյանը:

Քրիստոս ի մեջ մեր հայտնեցավ

Ներդրումներ Լիճքի միջնակարգ դպրոցում

2013 թվականի հունվարի 1-ից մինչև դեկտեմբերի 7-ը ներառյալ Լիճքի միջնակարգ դպրոցում արտաբյուջետային միջոցներով (հովանավորներ, հասարակական կազմակերպություններ) ձեռք է բերվել 3005000 (երեք միլիոն հինգ հազար) ՀՀ դրամ արժողությամբ գույք:
Լիճքի միջնակարգ դպրոցի տնօրինությունը, աշխատանքայի կոլեկտիվը, ծնողական և կառավարման խորհուրդները շնորհակալություն են հայտնում հովանավորներից` դպրոցին մշտական նյութական աջակցություն ցուցաբերելու համար:

«Ա» տառի ուսուցման բաց դաս

«Գիտելիքը ուժ է»: Այդ ուժով զորանալու առաջին քայլերն են անում Լիճքի միջնակարգ դպրոցի ամենակրտսեր աշակերտները:

Առաջին Գ դասարանի աշակերտների համար նոյեմբերի 7-ը տարբերվում էր մյուս օրերից, որովհետև սովորում Էին այբուբենի առաջին տառը:

Աշակերտները պատրաստել էին դաս-միջոցառում:

Նրանք արտասանեցին, երգեցին, և համառոտ ներկայացրին, թե ինչ են սովորել մինչ այդ:

Աշակերտները թվարկեցին Ա հնչյունով սկվող բառեր

ծանոթացան Ա հնչյունի պատկերին(տառին):

Դաս միջոցառմնը հրավիրված էին նաև դպրոցի տնօրինությունը, ուսուցիչներ, ծնողներ, որոնք իրենց շնորհավորական խոսքը ուղղեցին աշակերտներին:

Դասվար Լիլիթ Սամսոնյանի շնորհիվ, գիտելիքների խորհրդավոր աշխարհում Ա տառի մուտքը երեխաների և ներկաների համար իրոք վերածվեց հրաշալի տոնի:

Ողջո՜ւյն ուսում, ողջո՜ւյն դպրոց...

Հայի ազգային կարևոր առանձնահատկություններից մեկը գիտելիքի և դպրության հանդեպ դրսևորվող սերն ու հարգանքն է: Պատահական չէ, որ սեպտեմբերի 1-ը հայերիս համար մեծ խորհուրդ ու նշանակություն ունի: Այդ օրը շատերիս կյանքում բացվում է դպրության արշալույսը, ազդարարվում է իմացությամբ բարձունքներ նվաճելու մի նոր սկիզբ:

Լիճքի միջնակարգ դպրոցում այդ սկիզբը ազդարարվեց առանձնակի շուքով:

Առաջին դասարանի աշակերտները դպրոց էին հաճախում դեռևս օգոստոսից և պատրաստվում էին Առաջին զանգին:

Միջոցառման նպատակն էր առաջին դասարանցիների մեջ ճիշտ պատկերացումներ ձևավորել «աշակերտ» սոցիալական դերի մասին:

Սեպտեմբերի 1-ին աշակերտներն արդեն ծանոթ էին իրենց ուսուցիչների և դասընկերների հետ: Այս տարի Գիտելիքի օրը դարձավ յուրօրինակ մի տոն և անմոռաց հուշի պես դաջվեց յուրաքանչյուր առաջին դասարանցու հիշողությունում:


Լիլիթ Սամսոնյան

ՎԵՐԱԴԱՐՁ ԱԿՈՒՆՔՆԵՐԻՆ: Փառքի սրահի բացման արարողություն

Լիճքի միջնակարգ դպրոցը 2012-2013 ուստարում շարունակեց իր համագործակցությունը Հայաստանի պատանեկան նվաճումներ կազմակերպության հետ: 

12-րդ դասարանցիներից առաջադրվեցին աշակերտական ընկերության նախագահի թեկնածուներ և ՀՀ օրենսդրության համապատասխան տեղի ունեցավ աշակերտական ընկերության նախագահի ընտրություն:

Աշակերտական ընկերությունը մանսկացություն ունեցավ մի շարք հասարակական, բնապահպանական, մարզամշակութային միջոցառումների և մասնակցեց Հայաստանի պատանեկան նվաճումներ կազմակերպության և USAD-ի կողմից հայտարարված դրամաշնորհային մրցույթին:

 Շուրջ 100 հայտերից ընտրվեցին 10-ը, որից հաղթող ճանաչվեց Լիճքի միջնակարգ դպրոցի «Վերադարձ ակունքներին» ծրագիրը: Ծրագրի գլխավոր նպատակն է ստեղծել փառքի սրահ՝ ի խոնահրում Լիճքի պատմությունը կերտողներին: Շուրջ հինգ ամսվա ընթացքում ձեռք

բերվեցին ցուցանակ-տաղավարներ, հավաքագրվեցին ձեռագրեր, նկարներ,Հայրենակ Մեծ պատերազմի և Արցախյան ազատամարտի մասնակիցների, նահատակների հուշամեդալներ, փաստաթղթեր, արխիվային նյութեր, նաև Լիճքի մանկավարժների, մտավորականների, ստեղծագործողների արխիվային փաստաթղթեր, լուսանկարներ, ձեռագրեր, պատմական արժեք ներկայացնող անձնական իրեր և նմուշներ: 

2013 թվականի հունիսի 21-ին տեղի ունեցավ Փառքի սրահի բացման արարողությունը, որն իր մասնակցությամբ պատվել էր «Հայստանի պատանեկան նվաճումներ», «Օրրան»

բարեգործական հասարակական կազմակերպությա տնօրեն Արմինե Հովհաննիսյանը, Անահիտ Մանուկյանը, «Հայստանի պատանեկան նվաճումներ» կազմակերպության Գեղարքունիք մարզի համակարգող Հակոբ Սմբատյանը և այլ հյուրեր: Փառքի սրահի բացման պատիվը ընձեռնվեց Լիճքի «Հայ Ասպետների» թիմի ավագ Արմեն Եղիազարյանին: Ներկաներին դիմավորեցին Լիճքի միջնակարգ դպրոցում գործող «Արմին» պարային համույթի փոքրիկները: Փառքի սրահը խորհրդանիշ է վերադարձ դեպի ակունքներին և որպես շարունակություն ակնկալում է համայնքի օժանդակությունը՝ նյութերի հավաքագրման գործում: Ըստ Արմինե Հովհաննիսյանի Փառքի սրահը գիտական, արխիվային,

թանգարանային լուրջ նմուշներ ունի, որով ցանկացած այցելու կծանոթանա ոչ միայն Լիճքի, այլև Հայոց պատմությանը: 

Ծրագրով նախատեսված երեք ցուցանակ-տաղավարների փոխարեն, շնորհիվ հովանավորների, ձեռք բերվեցին ևս 5-ը: Ծրագրով նախատեսված 360000 դրամի փոխարեն հավաքագրվեց 800000 ՀՀ դրամի համարժեք նյութական միջոցներ՝ չհաշված ֆիզիկական, մտավոր աջակցությունները: Ըստ տնօրեն Ա. Հոխիկյանի՝ ի կատար ածվեց Փառքի սրահի գաղափարը, որին կհաջորդի ազգագրական թանգարանի հիմնադրումը և հավաստեց, որ աշխատանքային ձևաչափը այդ մասով էլ է ծրագրավորված:

Նկարները՝ այստեղ

Ասմունքի մրցույթ՝ նվիրված Միսաք Մեծարենցին և Պետրոս Դուրյանին

Մայիսի 16-ին Մարտունու պատկերասրահում տեղի ունեցավ ասմունքի մրցույթ՝ նվիրված հայ մեծանուն բանաստեղծներ Միսաք Մեծարենցին և Պետրոս Դուրյանին: Մասնակցում էին Մարտունու տարածաշրջանի դպրոցներից 18 աշակերտներ: Ասմունքի մրցույթին Լիճքի միջնակարգ դպրոցը ներկայացնում էին 7-րդ դասարանի աշակերտուհի Էմմա Վարդանյանը և 8-րդ դասարանի աշակերտուհի Մարինե

Գվիդոն Սմբատյանի անվան մինի ֆուտբոլի հուշամրցաշար

Մայիսի 4-ին Լիճքի միջնակարգ դպրոցում տեղի ունեցավ Գվիդոն Սմբատյանի անվան մինի ֆուտբոլի տարածաշրջանային առաջնությունը: Մասնակցում էին 6 թիմեր` Ծակքարից, Երանոսից, Վարդենիկից և Լիճքից: Եզրափակիչ փուլ անցան Լիճքի միջնակարգ դպրոցի և Ծովասարի թիմերը: 2:1 հաշվով հաղթող ճանաչվեց Լիճքի թիմը:

Միջոցառման նպատակն էր երեխաների մեջ սերմանել սեր սպորտի հանդեպ: Ձևավորել միջհամայնքային ընկերական կապ, մի քանի ժամ կտրել համակարգչային խաղերից և ներքաշել իսկական սպորտի մեջ:

 Առաջինից երրորդ տեղեր գրաված թիմերը ստացան խրախուսական նվերներ, պատվոգրեր և գավաթ:

ՀՐԱԺԵՇՏ ԱՅԲԲԵՆԱՐԱՆԻՆ

2012-2013 ուստարում տառաճանաչ դարձան ևս 77 աշակերտներ, դասվարներ Լարիսա Մկրտչյանի, Գայանե Սարգսյանի և Բյուրեղիկ Գևորգյանի շնորհիվ: Երեխաների համար առաջին դասարանի հանդեսը ամենահիշարժան և տպավորիչ տոներից մեկն է:


 Գայանե Սարգսյանի 22 տարվա մանկավարժական գործընթացում տառաճանաչ դարձրեց 7-րդ սերունդը: Առաջին Բ դասարանի աշակերտները թոթովախոս լեզվով ներկայացրեցին Այբուբենի ստեղծման պատմությունը, Մեսրոպ Մաշտոցի փառապանծ ուղին: Իրենց քաղցր ձայնով ծնողների, ուսուցիչներ, աշակերտների համար երգեցին հայրենասիրական երգեր, արտասանեցին ոտանովորներ, իսկ միջոցառման ավարտին ներկայացրեցին Հ. Թումանյանի “Կիկոսի մահը” հեքիաթի բեմադրությունը: Երեխաները այնքան էին տարվել այդ հեքիաթով, որ ներկաներին թվում էր, թե Կիկոսը իսկապես կենադանացել է: